Кешенең башында яңа идеяләр кайчан туа?

Парижда баш миен өйрәнә торган институт галимнәре ачыклаганча, йокыга киткән мизгелдә кешенең баш мие бик катлаулы мәсьәләләрне чишә ала. Бу турыда Science Advances басмасына сылтама белән РЕН ТВ хәбәр итте.

Биологлар раслаганча, йокыга китәр алдыннан кеше «иҗади күтәрелеш» тоя. Бу стадия N1 дип атала, ул күзләрнең хәрәкәте акрынайгач барлыкка килә. Нәкъ менә шушы халәттә йокы белән уяулык арасында кешедә яңа идеяләр туарга мөмкин.

Нейробиолог Дельфина Удиетт үзе төшкә охшаган гипнагогик халәт кичерүен сөйли. «Соңгы дистә елларда галимнәрнең бу вакытны өйрәнмәвен белеп гаҗәпкә калдым», — ди ул.

Франция галимнәре Америка уйлап табучысы Томас Эдисон ысулын өйрәнгән. Ул кулларына туплар тотып черем итә башлый, аннары егылудан уяна. Бу галимгә идеяләрен истә калдырырга ярдәм итә, диелә хәбәрдә.