Кешеләр елның кайсы көнендә һәм кайсы аенда ешрак үлә?

Статистика буенча, дөньяның барлык илләрендә дә кешеләр кыш айларында ешрак үлә. Россиядә дә шундый хәл күзәтелә. Кешеләр иң күп вафат булган ай — гыйнвар. Икенче урында — март, кайсыбер очракларда май ае була. Бу турыда «АиФ» сайты хәбәр итә.

Үлем-китем иң күбе 1 гыйнварда була. Бу очракта сүз табигый үлем турында бара. Кешеләр фаҗига, җинаять вакытында үлгән очраклар бу статистикага керми. Яңа елда спиртлы эчемлекләрне күп кабул итүдән үлүне исәпкә алмаган очракта да, 1 гыйнвар үлем иң күп булган көн булып кала, диелгән әлеге хәбәрдә.