Кеше үзен аеруча ялгыз хис итә торган өч чор ачыкланды
Кеше үзен аеруча ялгыз хис итә торган өч чор ачыкланды
Калифорния университеты галимнәре кеше үзен аеруча ялгыз хис итә торган өч периодны ачыклаган дип яза РИА Новости, WebMD сайтына сылтама белән.
Галимнәр 27 яшьтән 101 яшькә кадәрге кешеләрнең психологик халәтен тикшергән. "Үзегезне ялгыз хис итәсезме" дигән сораштыру үткәргәннәр.
27-30, 55-60 һәм 80нән өлкәнрәк кешеләр үзләрен ялгыз хис итә икәнлеге ачыкланган. Бу кешеләрнең ялгыз булуына яки аларның янында кемнәрдер булуга бәйле түгел дип искәртә галимнәр.
Галимнәр әйтүенчә, 27-30 яшьлек кешеләр тормышларына тәнкыйди карый, үзләренә яшьтәшләре белән чагыштыра һәм башкалардан читләшә. 55 яшьтән соң кешеләрнең үзләрен ялгыз хис итүе сәламәтлекләре начараюы белән бәйле. 80 яшьтән өлкәннәрнең ялгызлык хисе дус-танышларының үлүе белән бәйле.
