«Кеше усал бит хәзер!» - Җәвит Шакиров начар хәбәр җиткерде
Танылган юмор остасы Җәвит Шакиров тамашачыларына видео мөрәҗәгать белән чыкты.
«Хөрмәтле дуслар, начар хәбәрем бар! Хакерлар миңа да килеп җиттеләр, Инстаграм битемне бозганнар. Шуңа күрә мин яңа бит ачам. Мине хөрмәт иткән, яраткан тамашачыларымның янәдән миңа язылуларын телим. Сак һәм сәламәт булыйк!» — дип борчылып сөйләде ул.
Исегезгә төшереп үтәбез, соңгы арада хакерлар шоумен Рамил Шараповның, алып баручы Рәфил Галимуллинның, җырчы Гөлназ Шәрипҗанованың, биюче Чулпан Закированың Инстаграм битен бозып, алар турында ялган хәбәрләр таратып, кешедән акча җыярга маташканнар иде.
«Әйттем бит мин сиңа, мине кара исемлектән чыгар дип, үзең гаепле, Җәвит абый», — дип шаярган юмор остасы Рифат Зарипов.
«Кеше усал бит хәзер», — дип яза башка инстачылар.