Кеше ничә яшьтә бәхетле?
Белгечләр 17 яшьтән алып 85 яшькә кадәрге 23 мең кешенең мәгълүматларын анализлаган.
Әлеге сорауга җавап табар өчен, Лондон икътисад һәм сәяси фәннәр мәктәбенең икътисади күрсәткечләре үзәге галимнәре махсус тикшеренү үткәргән. Белгечләр 17 яшьтән алып 85 яшькә кадәрге 23 мең кешенең мәгълүматларын анализлаган, дип яза «Волгоградта МК».
Галимнәр кешенең 23 яшьтә һәм 69 яшьтә абсолют бәхетле була дигән нәтиҗәгә килгән. Кеше 70кә якынлашканда моңа кадәр гади шатлык һәм вак-төякләрнең сизелмәвен аңлый башлый, шуңа күрә тормыштан канәгатьләнү хисе арта. Шулай ук тикшеренүчеләр, пенсиягә чыкканнан соң, буш вакыт барлыкка килә, балаларны тәрбияләү һәм эш белән бәйле күп кенә тискәре моментлар артта кала, кеше тормышка уңай яктан карый башлый, дип билгеләп үтәләр.
