Кукмара мәдрәсәсе җитәкчесе, галим Ришат хәзрәт Курамшин «ВКонтакте» челтәрендәге сәхифәсендә кешеләрнең иң яхшылары нинди булуын аңлата.
Хафиз ибне Хиббән исемле мөселман галиме (Аллаһ аннан разый булсын) болай дигән:
- Кешеләрнең иң яхшылары шулардыр:
- Зур дәрәҗәләргә ирешкән чакта тыйнак булып кала белүчеләр;
- Күп мөмкинлекләргә ия булган вакытта дөньяга исе китмәүче аскетлар;
- Көчле, егәрле вакытларында гадел булучылар.
Хафиз ибне Хиббән шулай ук әйткән:
- Әгәр кеше үзеннән түбәнрәк булучылар белән тәкәбберләнеп, эреләнеп мөгамәлә кылса, соңыннан Аллаһы Тәгалә аны, һичшиксез, үзеннән югарырак булучылар алдында түбәнсетеп сынаячак…
(Чыганак: «Рауда әл-Үкалә үә Нүзхә әл-Фүдалә»).
Ришат хәзрәт Курамшин әзерләде.