Кешеләрне рәнҗетүчегә килә торган җәза: тыңлаусыз бала, хыянәт, җимерелгән хыяллар һ.б.
Тимергали хәзрәт Юлдашев телеграм-каналында кешеләрне рәнҗеткән өчен нәрсә буласын аңлата.
Җәбер, золым (әшәкелек) күргән кеше үзенең рәнҗетүчесенә болай дип язган:
«Син мине түбәндәге нәрсәләрдә күрерсең:
- балаларыңның тыңлаусыз булуларында;
- якыннарыңның хыянәтендә;
- дусларың белән аерылуда;
- җавапсыз догаларыңда;
- җимерелгән хыялларыңда;
- авыруларда, көчсезлектә, җиңелүдә...
Син мине иң кадерле нәрсәләреңдә күрерсең, искә төшерерсең...»
Пәйгамбәребез салләллаһу галәйһи вә сәлләмнең сүзләре хак: «Золым кылынган кешенең догасыннан курык, чөнки аның белән Аллаһ арасында пәрдә юк», – дип яза хәзрәт.
