Керләрне салкын суда юаргамы, әллә кайнардамы?

Элек әбиләр керләрне кайнар су белән юарга кушкан. Чөнки салкын суда кием-салымның пычрагы чистармый, кер порошогы да салкын суда эреп бетми. Тик хәзер заманча кер юу машиналар барлыкка килү белән кагыйдәләр дә үзгәрде. Автомат машинада салкын су белән юуның үз өстенлекләре бар. Бу турыда киңәшләр сайтында язылган.

Кер юу бәясенең 90 проценты электр энергиясенә чыгымнан тора икән. Суны кайнату өчен машина бик күп энергия сарыф итә. 

Керләрне салкын сулы режимда юыгыз. Заманча кер юу чаралары салкын суда да чистарта. Порошок яхшы булса, салкын суда да, кайнар суда да кием-салым бер төрле юыла.

Салкын су белән юганда да порошокны артык салмагыз. Артык порошокның кирәге юк, нәтиҗәсе шул ук булачак.

Кайсы очракта кайнар су кулланасын белеп торырга кирәк. Әгәр керләрне дезинфекцияләргә кирәк булса, кайнар сулы режимны сайлагыз. Сөлгеләрне дә кайнар суда юарга кирәк. Гомумән, микроблар һәм бактерияләр күп җыела торган әйберләрне кайнар су белән юарга киңәш ителә.

Салкын су куллануның тагын өч сәбәбе бар:

• кайнар әйберләрне боза, тукыма сыйфатсызлана, утыра, әйберләрнең үлчәме үзгәрә, җөйләр ертыла,
• салкын суда юган әйберләрнең төсе озаграк саклана, чөнки кайнар су ачык һәм сусыл төсләрне боза,
• салкын суда юганда, кием-салымда ак таплар калмый, кайнар суда юганда еш кына кара күлмәктә ак эзләр барлыкка килергә мөмкин.