Барлык язмалар news_header_top_970_100
news_header_bot_970_100
Язманы тыңлагыз

Керчь бугазында ике танкер һәлакәткә юлыкты, бер моряк батып үлгән

news_top_970_100
Керчь бугазында ике танкер һәлакәткә юлыкты, бер моряк батып үлгән

Бүген Керчь бугазында «Волгонефть-212» һәм «Волгонефть-239» танкерлары һәлакәткә юлыккан. 7 баллы давыл вакытында бер танкерның борыны сына, һәм ул диңгез агымы белән йөзеп китә. Анда 13 кеше булган. Давыл булу сәбәпле, аларны тиз генә коткара алмыйлар. «Меркурий» дигән буксир ярдәмгә килеп, 12 кешене коткарганнар, алар госпитализацияләнгән, берсе һәлак булган. «Туапсе» дигән буксирны да җибәрәләр, әмма ул, сай булу сәбәпле, якын килә алмый.

«Волгонефть-239» судносында 14 кеше булган. Ул диңгездән 82 км ераклыкта төпкә утыра. Аларның гомеренә куркыныч янамый, дип хәбәр итә ШОТ каналы.

«Волгонефть-212» танкерында 4250 тонна мазут булган, «Волгонефть-239»да – 4300 тонна. Нефть продуктлары диңгезгә аккан.

«Газета.ру» язуынча, моряклар профсоюзы рәисе Леонид Глушак танкерларның тузган булуын әйткән. «Волнонефть-212» танкеры үзенең 55нче «туган көнендә» баткан. «Көймә иске, ул бу шартларда эшләргә тиеш түгел. Дөресен әйткәндә, ул имин урында торырга тиеш иде. Кем гаепле – капитанмы, башкасымы – карарга кирәк. Көймә кышын эксплуатацияләнергә тиеш түгел», – дигән ул.

Дулкыннар биек булу сәбәпле, калган суднолар көймә янына килә алмаган, ә экипажның гидрокостюмнары булмаган. Иминлек кагыйдәләре сакланмаган. Җинаять эше кузгатылган.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100