Кер машинасында порошок сала торган тартма бик пычранса, ничек чистартырга?

Кер юа торган машинаның порошок сала торган тартмасы бик нык пычрана һәм аны берничек тә чистартып булмый башлый. Тартманы чистарту ысулы киңәшләр сайтында чыкты.

Аш содасы, кальцийлы сода, лимон кислотасы, канализация чистарта торган КРОТ кебек сыеклык, известьле катламны чистарта торган чара алырга кирәк. Тартманы машинадан чыгарыгыз. Машина инструкциясендә моны эшләү ысулы бар. 

Чистарту берничә этаптан тора. Сода, кислота, башка чараларны бергә салу кирәкми. Башта тартманы бер уч лимон кислотасы кушылган кайнар суда җебетегез. Кислота пышылдый башлагач, тартманы кайнар су һәм кальцийлы сода салынган табакка урнаштырыгыз. Шунда ук аш содасы салырга була. Тартманы 2 сәгать шушы сыеклыкта тотыгыз. Пластикка каткан кара күгәрек шулай чистарырга тиеш.

Каты ташлар ябышкан булса, тартманы канализация чистарта торган сыеклык салынган кайнар суда җебетегез. Ярты шешә КРОТ кулланырга була. Аңа Domestos яки известьле катламны чистарта торган башка чара салып җибәрегез.

Бер-ике сәгатьтән тартманы лимон кислотасы салынган кайнар суга куегыз. Төн буена шушы сыеклыкта калдырып карагыз. Бераз тизләтү өчен, сыеклыкны җылыткалап торырга була, диелә бу хәбәрдә.

Эш тәртибе видеода тәфсилләбрәк күрсәтелгән.