2026 елда федераль реестрга кертелгән гражданнарга дарулар ташлама белән бирелә. Бу категориягә инвалидлар, ветераннар, радиация һәлакәтләре нәтиҗәләрен бетерүдә катнашучылар, шулай ук хроник авырулары булган пенсионерлар керә. Бу хакта RT эксперт Ольга Епифановага сылтама белән яза.
Аның сүзләренчә, төп шарт — ташламалы статусны рәсми теркәү һәм социаль хезмәтләр җыелмасын саклау. Әлеге җыелма бушлай яки субсидияләнгән дарулар алу хокукын үз эченә ала. Ташламалы дарулар программасында катнашучы даруханәләрдә, дәүләт яки муниципаль поликлиника табибы язган рецепт буенча һәм Сәламәтлек саклау министрлыгы раслаган исемлек нигезендә бирелә.
Ккирәкле даруның мөһим дарулар исемлегенә керү-кермәвен алдан ачыкларга кирәк, чөнки нәкъ менә шул дарулар белән тәэмин итү өстенлекле булып тора, дип киңәш итте белгеч.
Ул шулай ук хроник авырулары булган пациентлар өчен рецептларны озайту тәртибе 2026 ел башыннан гадиләштерелүен, бу документларны вакытында яңартырга мөмкинлек бирүен билгеләп үтте.