Кемнәргә карбыз һәм кавын ашарга ярамый?
Табиб сүзләренчә, хәтта иң файдалы ризык та куркыныч булырга мөмкин.
Ашказаны-эчәк тракты авырулары, бәвел бүлеп чыгару органнарында таш булган, шикәр диабеты булган кешеләргә карбыз һәм кавын ашарга киңәш ителми. Бу хакта Мәскәү шәһәренең сәламәтлек саклау департаментының баш диетологы Антонина Стародубовага сылтама белән РИА Новости яза.
«Ашказаны-эчәк тракты авырулары, бәвел бүлеп чыгару органнарында таш утырган, шикәр диабеты булган кешеләргә карбыз һәм кавынны ашарга ярамый яки чамалап кына ашарга кирәк», — диде диетолог.
Табиб сүзләренчә, хәтта иң файдалы ризык та куркыныч булырга мөмкин. Ул аның сыйфатына, бу ризыкны күпме ашауга, аны үстерү шартларына һәм башка факторларга бәйле.