Кемнәргә бөтнекле чәй эчәргә ярамый?
«Ир-атларның либидосы кимергә мөмкин», — ди Тихомирова.
Кан басымы түбән булган кешеләргә бөтнек ярамый, ул гипотензив үзлекләргә ия. Бу турыда нутрициолог Мария Тихомировага сылтама белән РИА Новости хәбәр итте.
Табиб сүзләренчә, кан басымы түбән булса, бөтнек кулланмаска кирәк. Өстәвенә, бөтнек варикозлы кешеләргә зыянлы.
«Ир-атларның либидосы кимергә мөмкин. Хатын-кызлар бәбигә узарга җыенса, аларга да бөтнек кулланудан тыелырга кирәк», — ди Тихомирова.
Башкалар өчен бөтнек файдалы. Ул эчәклектә авырту, баш авырту булганда да ярдәм итә. Шулай ук антибактериаль үзлекләре дә бар, диелә хәбәрдә.