«Кемнәр күбрәк: җырчылармы, сыер савучылармы?» - Айсылу Габдинова җавап эзли
Җырчы Айсылу Габдинова Инстаграм битендә авылча киенеп, көрәк тотып төшкән фотосын урнаштырган.
«Авыл — ул сезгә мунча белән бәлеш кенә түгел! Ә сез ялларыгызны ничек үткәрәсез?» — дип сораган җырчы.
Инстачылар Айсылуның әлеге образын югары бәяләгәннәр.
«Бу авылның алдынгы сыер савучысына ошаган!» — дип язган берсе.
Айсылу Габдинова бер дә аптырап калмаган, җавабын җиткергән: «Рәхмәт! Җыр туйдырса, авылга сыер саварга кайтып була, димәк».
«Юк инде, җырлап туеп буламыни? Алай димә, җырла. Авылда сыер савучылар күп ул. Җырчылар кирәк. Иҗаттан туя күрмә!» — дигән бер инстачы.
«Кем күбрәк икән? Җырчылармы, сыер савучылармы? Белмим», — дип аптырашта калган Айсылу.
«Моңсыз җырчыларны чутламаганда, җырчылар аз булырга тиеш. Синең тавыш матур, көчле, син андыйлар рәтенә кермисең», — дип тынычландырганнар җырчыны виртуаль дуслары.