Кишер матдәләр алмашын тизләтә, холестеринны киметә, яшәртү һәм ябыктыру үзлегенә дә ия. Әмма кайбер кешеләргә аны рационнан төшереп калдыру яхшырак. Бу хакта РИА Новостига табиб-диетолог Ольга Кораблева сөйләде.
Аның сүзләренчә, кишерне бавыр авырулары булганда, кулланырга ярамый. Әгәр организм сәламәт түгел икән, каротин үзләштерелми. Ашказаны яки эчәклектәге җәрәхәт авыруы һәм энтерит (юка эчәкнең стеналары ялкынсыну) булган кешеләргә дә кишер ашау рөхсәт ителми.
