Телефонга шалтыраталар да берничә секундтан ук өзәләр – бу мошенниклар схемасының бер төре. РИА «Новости» шул хакта яза.
Белгеч Елена Максимова сүзләренчә, моның өчен махсус программалар бар. Алар секундлар эчендә меңнәрчә номерны эшкәртә. Төп максат – абонентны кире шалтыраттыруга ирешү. Шулай итеп кешенең активмы икәнен ачыклыйлар.
«Бу – җинаятьчеләргә киләчәктә һөҗүм итәр өчен «исән» номерларны танырга ярдәм итә. Аннары аларга реклама, фишинг, шәхси мәгълүматны алу өчен шалтыратулар килә башлый», – ди Максимова.
Аеруча куркынычы – түләүле номерлар, алар 8-800 яки 900 саннарына башлана. Бу номерларга шалтырату югары ставка буенча бәяләнә. Элемтә операторлары бу турыда кисәтергә тиеш, ләкин күпләр мондый хәбәрләргә карамый.
Шуңа күрә таныш булмаган номерларга кире шалтыратырга ашыкмагыз, башта тикшерегез, ди белгеч.
