Юмор остасы, артист Данир Сабиров кечкенә кызы Данияне татарча сөйләшергә өйрәткән. Әле күптән түгел генә биргән сорауларга татарча җавап бирергә кыенсынып торган бала атнадагы көннәрне татарча санап күрсәтә. Данир, кызы белән горурлануын әйтеп, видеоны үзенең сәхифәсендә калдырган.
«Телебезне саклап калыр өчен көрәшергә түгел, ә сөйләшергә кирәк», – дип һәрчак әйтәм. Бервакыт балаларым «мама», «папа», «хлеб» дип сөйләшә башлагач: «Минем белән бары тик татарча сөйләшегез», – дип шарт куйдым. Баштагы мәлдә кайбер сүзләрне әйткәндә телләрен сындырыр кебекләр иде, әмма юк. Өйрәнделәр бит. Русчага күчәләр икән, аңламаган кыяфәт ясыйм. Кечкенә адымнар белән бүгенгесенә килдек. Канәгатьмен. Үзем белән горурланам! Шул вакытта дөрес карар кабул итүем белән!
Әйе, миндә ага татар каны, мин бит үзбәк баласы», – дип яза Данир.
