Кечкенә Эмилия Гатауллина Илсөя Бәдретдинова белән җырлый - видео
Кечкенә җырчы кызның иң зур хыялы чынга ашкан.
Барлык артистларның җырларын кабатлап җырларга яратучы кечкенә Эмилия Гатауллинаның иң зур хыялы тормышка ашкан. Илсөя Бәдретдинованың Чаллыдагы концертында Эмилия яраткан җырчысы белән бер сәхнәдә чыгыш ясаган. Алар «Камыш әйтә - мин әйтәм» җырын дуэт булып җырлаганнар.
«Булдырасың, кызым. Бу алкышлар сиңа. Концерт беткәч, әниең белән минем янга керерсең. Мин сиңа күп җырлар яздырылган флешка бүләк итәрмен. Икенче юлы Чаллыга килгәндә бөтен җырларны бергә башкарырбыз, яме», — дип үсендерә Илсөя Бәдретдинова Эмилияне.
Кечкенә булса да, Эмилиянең үз блогы да бар. Аның инстаграмда сәхифәсен әнисе алып бара. Инстачылар Эмилиянең хыялы чынга ашуга сөенүләрен белдергәннәр һәм алга таба зур уңышлар теләгәннәр.