«Кечкенә бизнес-леди» — Зәмирә Рәҗәпованың тугыз айлык кызы 14 тапкыр самолетта очкан
Журналист нәни кызының самолетта төшкән фотоларын күрсәтте.
Танылган алып баручы, журналист Зәмирә Рәҗәпова ерак сәфәрләргә кузгалырга балалар комачауламавы һәм яшь бала белән дә бизнес алып бару мөмкинлеге турында язган.
«Камилә Максовна 9 айлык кына булуына карамастан, 14 тапкыр самолетта очты. Хәзер мин моның текә булуы турында түгел, ә бизнес алып бару өчен бала комачауламавы турында әйтәсем килә. Кулыңа күтәрдең дә «алга».
Беренче тапкыр ул Уфага очты, ә 14нче тапкырында — Дубайга. Алда тагын сәфәр көтә, анда да балалар белән барабыз. Шулай уңайлырак, тынычрак һәм балаларның да хис-кичерешләренең чиге юк», — дигән ул.
Инстачыларның күпчелеге журналист белән килешкән һәм аның уңганлыгына сокланулары турында язганнар. Ә Камиләне «кечкенә бизнес леди» дип атаганнар.