Бүген Чүпрәле районының Кече Чынлы авылында Сабантуй бәйрәме узды. Сабантуйның эмоцияләргә бай мизгелләренең берсе хатын-кызлар көрәше булгандыр. Батыр калучы хатын-кызга 100 мең сум вәгъдә ителгән иде. Батырлар исемлеген «Родной край» басмасы тәкъдим итә.
«Кунаклар милли уеннарда көчләрен сынап карый алдылар, әмма төп вакыйга, һәрвакыттагыча, көрәш булды. Быел турнир икенче тапкыр хатын-кызлар арасында да узды.
Көрәш кызу барды, 100 000 сумлык призны Илүзә Җәләлова алды. Икенче һәм өченче урыннарны Мәрьям Ямалетдинова һәм Резеда Мөшәрәпова алдылар», – дип хәбәр ителә.
Фото: © «Родной край»
Сабантуйның абсолют батыры да билгеле. Сабантуй мәйданыннан төп призны Раил Камалов алып киткән.
Фото: © «Родной край»