Казанда «Мега» сәүдә үзәгендә 23 яшьлек кызны көчләгәннәр.
Ул «Вкусно и точка»га күптән түгел генә эшкә урнашкан. Чүп ташларга дип, аерым бүлмәгә чыккан. Анда сәүдә үзәге хезмәткәрен очраткан. Бу кеше кыздан аның эшкә кайчан урнашуын сораган. Тегесе эшкә күптән түгел генә урнашуын әйткәч, күрше бүлмәдә сөйләшеп алырга кирәген әйткән. Фаҗига шул бүлмәдә була, анда камералар куелмаган.
«Маш иптәш» каналы язуынча, ир-атны тоткарлаганнар, ләкин сорау алу вакытында кыз аны танымавын әйткән. Бу җинаять эше Тикшерү комитеты контролендә.
