Казанның Гаврилов урамындагы ишегалдында дрон төшеп ватылган. Бу урынга полиция һәм махсус хезмәтләр килгән, дип хәбәр итә «Татарстан 24».
Дронны авиамоделистлар түгәрәгендә шөгыльләнүчеләр җибәргәндер, дип фаразлыйлар.
Татарстанда 2022 елның ноябрендә дроннар, квадракоптер, пилотсыз очкычлар очырту тыелды. Бары тик хакимият белән килештереп кенә дрон җибәрергә була.
- Украина хәрби көчләренең дроны Белгород өлкәсендә нефть станциясе резервуарын шартлатты. Бүген дрон Кырымда хәрби база янында төшеп шартлаган.
