7 май көнне Казанның Декабристлар урамындагы 133 нче йорт янында Volkswagen Polo автомобиле белән идарә итүче 69 яшьлек җәяүле хатын-кызны бәрдереп үтергән. Бу хакта Казан Дәүләт автоинспекциясендә хәбәр иттеләр, дип яза «Татар-информ».
Юл-транспорт һәлакәте Декабристлар урамы ягыннан Серов урамы юнәлешендә килеп чыккан. Хатын-кыз җәяүлеләр өчен каралмаган урында юл аша чыгарга теләгән. Алынган җәрәхәтләрдән ул урында ук үлгән.
«Үлем теркәлде. Экипаж юл-транспорт һәлакәте шартларын билгели», – дип хәбәр итәләр ведомствода.