Казаннан Башкорстанга чыгып киткән хатын-кыз югалган
Ксения 3 ноябрь көнне Казаннан Стәрлетамакка барырга дип юлга чыккан, шуннан бирле аннан хәбәр юк.
Башкорстанда Стәрлетамак шәһәрендә яшәүче 29 яшьлек Ксения Викентьеваны эзлиләр. Кыз инде бер атнадан артык элемтәгә керми, дип хәбәр итә "Отклик" эзләү төркеме волонтерлары, дип яза "Башинформ".
Кызның билгеләре: буе 155 см, ябык тәнле, соры күзле, чәчләре җирән төстә, озынлыгы иңенә кадәр.
Киеме: ачык-көрән төстәге озын куртка, зәңгәр джинс чалбар, үкчәле озын кара итек.
Кыз турында мәгълүмат белүчеләр 89871060601 яки 02 телефонына шалтырата ала.
