Казанның Журналистлар урамындагы тулай торакларының берсендә студент үзенең танышына пычак белән һөҗүм иткән һәм вакыйга урыныннан качкан.
«Татар-информ»га билгеле булганча, Тунистан 17 яшьлек студент һәм Мароккодан 21 яшьлек студент арасында бәхәс чыккан. Конфликт барышында Марокко студенты бәхәсләшүченең күкрәгенә, кулларына һәм башына пычак белән кадаган.
Яраланган егетне Республика балалар клиник хастаханәсенә алып киткәннәр. Агентлык чыганагы мәгълүматлары буенча, һөҗүм иткән егетне төнлә Түбән Новгород өлкәсендә тоткарлаганнар.