Казанда Гәрәев урамындагы торак комплекста төзелеш мәйданчыгында эшче биеклектән егылып төшеп һәлак булган. Фаҗига узган көнне булган. Бу хакта «Татар-информ»га ТР прокуратурасы матбугат хезмәтендә расладылар.
«Казан шәһәре Идел буе районы прокуратурасы тарафыннан хезмәтне саклау турындагы закон таләпләренең үтәлешен тикшерү оештырылган», – диләр ведомствода.
Булган хәлнең нечкәлекләре ачыклана.
