Бүген Казанның Габишев урамы, №7 йорттагы күп катлы йортта газ шартлаган. Тугызынчы каттагы фатирның тәрәзәләре ватылган, янгын башланган.
«Татарстан -24» каналы хәбәр итүенчә, шартлау дулкыны белән бер кеше тәрәзәдән чыгып очып һәлак булган.
Фатирда 3 кешелек гаилә яшәгән. Бала әнисе белән авылда булган, ди күршеләре. Гаилә башлыгы һәлак булган.
Ашыгыч ярдәм, янгын сүндерүчеләр килгән, ишегалдындагы автомобильләрне алуны сораганнар.
Прокуратура тикшерү башлаган. Газ җиһазларын куллануда ялгышлык булмаганмы икәнен тикшерәләр. Фаҗига булган урынга Казан прокуроры Олег Дроздов та килгән.
