Казандагы көллият укытучысы фаҗигале һәлак булган
Классны тикшерергә кергән укытучы идән булмавын абайламый калган һәм егылган.
Казандагы Технология һәм дизайн көллиятендә укытучы булып эшләүче хатын-кыз фаҗигале төстә һәлак булган. Бу турыда Татарстан Мәгариф һәм фән министрлыгы матбугат хезмәте хәбәр итте.
Фаҗига 8 октябрьдә көндез булган. Лабораторияләр корпусында ремонт эшләре барган. Укытучы шундагы бер классны тикшерергә кергән. Ул идән юк икәнен абайламый калган һәм егылган. Бу турыда «Татар-информ» агентлыгына үз чыганагы хәбәр итте.
Хәзер әлеге вакыйганың сәбәпләрен тикшерүчеләр ачыклый.
