Казандагы хастаханә янына яшь егет мәетен китереп ташлаганнар
Хәле киткән егетне иптәшләре хастаханәгә алып килмәкче булган.
Казанның 16 номерлы хастаханәсе янында яшь егет мәете табылган. Аны бирегә билгесез кешеләр китереп калдырган, үзләре качып киткәннәр. Бу турыда «Татар-информ» клиниканың матбугат хезмәтенә сылтама белән хәбәр итте.
Хастаханәдә ачыклык керткәнчә, мәетне ике ир-ат китерә. Мәрхүм үз үлеме белән үлгән. Хастаханә хезмәткәрләре полиция чакырган.
Агентлык үз чыганагына сылтама белән хәбәр иткәнчә, өч егет наркотиклар кулланган. Шуннан соң берсенең хәле киткән. Ике иптәше аны хастаханәгә илтмәкче була, ләкин юлда барышлый егет үлә. Иптәшләр куркуга кала һәм мәетне ташлап калдыра, диелә.
