Бүген Казанда Себер тракты урамындагы биш катлы йортларның берсендә яшәүче ир белән хатын мәете табылган. Бу турыда «Татар-информ» яза.
Мәрхүмнәр – 53 яшьлек ир-ат һәм 52 яшьлек хатын-кыз. Фаҗиганең сәбәбе, якынча версия буенча, сөрем газы белән агулану булырга мөмкин.
«Газпром трансгаз Казань» матбугат хезмәтендә агентлыкка хәбәр итүләренчә, әлеге йортта газ җиһазларына техник хезмәт күрсәтү график буенча башкарылган — соңгысы 2025 елның март аенда уздырылган, диелә хәбәрдә.
