Казандагы чүплектән ризык эзләп йөргән баланы видеога төшереп алганнар
Әлеге кадрларны прокуратура тикшерә.
Казанның Ибраһимов урамындагы бер чүплектә ике хатын-кыз һәм алар белән кыз бала ризык эзләп йөргән. Шаһитлар бу хәлне видеога төшереп алган.
Кадрларда хатыннар баланы чүплеккә кертеп бастыралар һәм нидер эзләтәләр. Бала чүплектәге ризыкларны алып бирә.
Әлеге кадрлар социаль челтәрләрдә таралгач, Татарстан прокуратурасы тикшерү башлаган.
Хәзерге вакытта бу хатыннарның һәм баланың шәхесен ачыклыйлар. Ата-ана вазифаларын тиешенчә үтәмәгән өчен административ эш ачылган. Бу турыда «Татар-информ» агентлыгына ТР прокурорының өлкән ярдәмчесе Руслан Галиев әйтте.
