Казанда югалган Гөлфәрия апаны эзлиләр
Белешмәсе булган кешеләр түләүсез 8 (800) 700-54-52 номерына шалтырата ала.
«ЛизаАлерт» эзләү төркеме Казанда 73 яшьлек Гөлфәрия М. югалуын хәбәр итте.
Ул 24 июньдә өеннән чыгып, билгесез юнәлештә китеп барган.
Гөлфәрия апаның буе 165 см чамасы, гадәти гәүдәле, күзләре коңгырт төсле.
Өстендә яшел футболка, леопард рәсеме төшерелгән чалбар, зәңгәр башмаклар кигән, кызыл-зәңгәр төсле яулык япкан.
Гөлфәрия апа турында белешмәсе булган кешеләргә түләүсез 8 (800) 700-54-52 номерына шалтыратырга сорыйлар.
26 июньдә кичке якта Гөлфәрия апаның исән килеш табылуы билгеле булды. Эзләүдә ярдәм итүчеләргә рәхмәт әйттеләр.