Казанда яшәүче егет белән кыз туйларына 1 ай кала лотереяга 1 миллион сум акча откан
Бу хакта лотерея уйната торган оешма хәбәр урнаштырган.
Алексей һәм Елена Казаковлар 1 миллион сум акча откан. Булачак гаилә отачагына ышанмаган да булган. "Откач та ышанмадык, билетны читкә алып куйдык. Аннары тикшереп караган идек, гаҗәпләнүдән күзләр шар булды", - дип сөйләгән алар. Акчаны фатир сатып алырга планлаштыралар.