Казан үзәгендәге йортларның берсендә яшәүче хатын сүзләренчә, ул ишегалдында утырта торган чәчәкләрне күселәр ашый, моңа кадәр күселәр бер песине ашап бетергән. Бу турыда «Татарстан 24» каналы хәбәр итте.
«Башта чәчәкләрнең башларын ашадылар, аннары – яфракларын. Бу күселәр – зур ат кадәр, песи кебек», – ди өй хуҗасы Ольга Широкова.
Ольга Широкова сүзләренчә, күселәр якында урнашкан коймак кафесы калдыкларын ашап үскән. Элеккеге хуҗа вакытында кафе калдыкларын арткы ишегалдына гына чыгарып атканнар.
Аннары бинада песи барлыкка килгән. Пенсионер хатын сүзләренчә, тик эшләр башкачарак киткән – күселәр песине дә ашап бетергән. Аннары Ольга Широкова кафеның яңа җитәкчелеге белән килешә алган – хәзер азык калдыкларын ишегалдына ташламыйлар инде.
«Күселәр оятсыз, алар барын яшермибез, көрәшәбез», – дигән кафе идарәчесе Ландыш Каюмова.