![Казанда яшәүче ир белән хатынның сигезенче баласы туган](https://intertat.tatar/resize/shd/images/uploads/news/2023/11/18/b75fbfaad953d95ffe111bf713034b51.jpg)
Татарстан башкаласында яшәүче Сергей һәм Татьяна Сибиревлар гаиләсендә 1 атна элек – 11 ноябрьдә – сигезенче бала туган. Бу турыда Казан мэриясе хәбәр итте.
Яңа туган бала – гаиләдә икенче кыз. Ир белән хатынның 6 улы бар.
Узган атнада Казанда 403 бала туган, аларның 213е кыз, 190ы малай.
Казанда барлыгы 11,1 мең күп балалы гаилә яши, аларда 35 мең бала тәрбияләнә, диелә.