Казанда ягулык салу станцияләрендә ажиотаж акрынлап басыла. Бу хакта шәһәр мэриясендә хәбәр иттеләр
Казан мэры Илсур Метшин сүзләренчә, паника һәм чиратлар кими бара. «Бүгенге көндә бернинди өзелекләр дә юк», – диде ул атналык киңәшмәдә.
Казан башкарма комитеты җитәкчесе урынбасары Илдар Шакиров аңлатканча, шәһәр тормышы туктап калмасын өчен, «ТАИФ» компаниясе җәмәгать транспорты һәм барлык шәһәр хезмәтләре өчен аерым ягулык салу станциясе бүлеп биргән. Бу – гадәти заправкаларда кабат ягулыкка ихтыяҗ арткан очракта да, автобуслар, махсус техника һәм ашыгыч хезмәтләр тыныч кына ягулык сала алсын өчен эшләнгән.