Казанның Совет районы хәрби комиссариатына ут төртергә маташкан 17 яшьлек кызны тоткарлаганнар. Бу турыда «Татар-информ» хәбәр итте.
«Татар-информ» белешмәсе буенча, гадәттән тыш хәл бүген иртәнге дүртләр тирәсендә була. 11 нче сыйныфта укучы 17 яшьлек кыз янучан сыеклык салынган шешәләр белән бинага ут төртергә маташа.
Шулай да ул шешәләрне бинага кадәр ыргытып тидерә алмый, якындагы чирәмгә ут каба.
Хәзер бу кызны тоткарлаганнар, аның гамәленең сәбәпләре ачыклана, диелә хәбәрдә.
