5 июльдә Казанда Уникаль осталык үзәге мәйданчыгында «Шәҗәрә бәйрәме» VI Казан гаилә фестивале узачак. Бөтенроссия гаилә, мәхәббәт һәм тугрылык көненә багышланган масштаблы чара үз тамырларын өйрәнергә, тәҗрибә алышырга һәм төрле халыкларның йолалары белән танышырга теләүче меңләгән кешене берләштерәчәк.
Быелгы фестивальдә төп игътибар мәдәниятләр арасындагы җанлы сөйләшүгә һәм интерактив форматларга юнәлтелгән, дип хәбәр итә ТР Мәдәният министрлыгы.
Кунакларны нәрсәләр көтә:
Шәҗәрәләрнең зур күргәзмәсе;
- Традицияләрнең интерактив мәйданчыгы;
- Балалар зонасы;
- Хәләл маркет.
Кунакларны күңел ачу чаралары, бүләкләр уйнату һәм бай бәйрәм программасы көтә.
Фестивальнең программасы:
12:00 – 20:00 – Лекторий, мастер-класслар, балалар зонасы һәм Хәләл маркет эше.
16:00 – Тантаналы концерт.
Көн дәвамында: кунаклар арасында бүләкләр уйнату. Керү ирекле.