Казанда ун яшьлек малай югалган
Ул кичә мәктәпкә киткән һәм әйләнеп кайтмаган.
Казанда 13 гыйнварда өйдән чыгып киткән 10 яшьлек Владислав Х. югалган. Ул мәктәпкә барырга тиеш була. Тик әйләнеп кайтмый. Бу турыда «Татарстан 24» каналы яза.
Владислав кара куртка, кара классик чалбар, караңгы-зәңгәр төсле башлык кигән. Үзе белән мәктәп рюкзагы булган.
Буе 144 см, зәңгәр күзле, саргылт чәчле.
Бала турында белешмә булган кешеләргә шалтырату өчен телефон номеры: 8 (800) 700-54-52.
Өстәмә мәгълүматлар чыкты. Владислав Хасанов икенче сменада укыган. Кичә аны класс җитәкчесе мәктәп капкасына кадәр озаткан, аннары малайны беркем дә күрмәгән. Бүген Адоратский урамындагы ике катлы йортта малайның рюкзагы табылган. Малайны эзләү дәвам итә.
Өстәмә: Баланы 14 гыйнварда таптылар. Ул исән.