Казанда транспортка билет бәясе кайчан арта һәм ничә сум була?
Казанда җәмәгать транспортында йөрү бәясен арттыру турында тәкъдим ителде.
Пассажир ташучылар һәм Казан башкарма комитеты вәкилләре Казанда җәмәгать транспортында йөрү бәясен 3 сумга - 28 сумга кадәр арттырырга тәкъдим иткән. Әлеге мәгълүматны Тарифлар буенча дәүләт комитетында раслаганнар. Бу турыда "Татар-информ" агентлыгы хәбәр итте.
2019 елның 1 гыйнварыннан җәмәгать транспортында йөрү бәясе артмаячак, әмма соңрак кыйммәтләнергә мөмкин.
"Яңартылган тарифны кабул итүгә 1 айга кадәр вакыт китәргә мөмкин", - дигән Тарифлар буенча дәүләт комитеты матбугат секретаре Гөлзада Кычакова.
Тәгаенләнгән карарны Дәүләт комитеты тагын 30 көнгә кичектерергә хокуклы. Аннары документ тагын 10 көннән генә үз көченә керәчәк.