Казанда такси йөртүчегә аткан үсмерне эзлиләр
Өч егет таксига утырып килгән һәм акча түләмичә китеп барган.
Казанның Дәрвишләр бистәсендә такси йөртүчегә аткан үсмерне полиция эзли. Бу турыда «Татар-информ» агентлыгы үз чыганагына сылтама белән хәбәр итте.
Вакыйга булган көнне, такси йөртүчесе өч егетне Лушников урамына илтә. Егетләр таксидан чыга, алар акча түләми.
Машина йөртүче акча түләүне таләп итә, алар бәхәсләшә башлый. Бер мизгелдә үсмер пневматик пистолет чыгара һәм таксистка берничә тапкыр ата. Бер ядрә ир-атның күкрәгенә тия.
Шуннан соң таксист егетләр артыннан китә, үзе видеога төшереп бара. Ул үсмерләрне чатта куып җитә. Шуннан соң икенче үсмер такси машинасына ике тапкыр ата.
Полиция үсмерләрнең берсенә 15 яшь булуын ачыклаган, аларны эзлиләр, диелә хәбәрдә.