Казанда попны эзлиләр: киемнәре Юдинодагы күл ярында, үзе юк...
Хокук саклау органнары монастырьга Юдино күле ярында иеродиаконның киемнәре табылу турында хәбәр итте – дип җиткерде “Татар-Информ”мәгълүмат агентлыгына Иоанн – Предтченеск монастрые наместингы отец Нектарий.
“Безгә полициядән шалтыратып, Карьер күле яр буенда безнең иеродиаконның киемнәре табылу турында әйттеләр. Полицейскийлар әйтүенчә, ул су коенганда баткан. Мин ул исәндер дип өметләнәм. Киемнәрен генә тапканнар бит...”, - дип әйтте отец Нектарий.
Ул шулай ук, хокук саклау органнарының тикшерү эшләре алып баруын белдерде.
Эчке эшләр министрлыгының бүгенге белешмәсендә, 11.30 сәгатьтә полиция хезмәткәрләре Юдино бистәсенең Карьер күле ярында 1982 елгы Ибашаев Дмитрий Алексеевичның киемнәрен тапканнар һәм коткаручыларга мөрәҗәгать иткәннәр дип хәбәр ителә. 35 яшьлек ир-атның батканын күрүчеләр юк. Водолазлар күл төбенең 3500 квадрат метр мәйданын тикшергәннәр. Иеродиаконның гәүдәсе табылмаган.
Ул шулай ук, хокук саклау органнарының тикшерү эшләре алып баруын белдерде.
Эчке эшләр министрлыгының бүгенге белешмәсендә, 11.30 сәгатьтә полиция хезмәткәрләре Юдино бистәсенең Карьер күле ярында 1982 елгы Ибашаев Дмитрий Алексеевичның киемнәрен тапканнар һәм коткаручыларга мөрәҗәгать иткәннәр дип хәбәр ителә. 35 яшьлек ир-атның батканын күрүчеләр юк. Водолазлар күл төбенең 3500 квадрат метр мәйданын тикшергәннәр. Иеродиаконның гәүдәсе табылмаган.