Кичә кич Казанда 14 яшьлек кыз югалган.
«Татар-информ»га билгеле булганча, мәктәп укучысы әнисе белән таксида барган, машина Годовиков урамындагы йортларның берсе янында туктагач, кыз көтмәгәндә чыгып качкан.
Кызның әнисе полициягә гариза язган. Билгеле булганча, кыз тулы булмаган гаиләдә тәрбияләнә һәм яшүсмерләр эшләре буенча инспекторда исәптә тора. Элегрәк тә аның өйдән чыгып китү очраклары булган.
