видеодан скриншот
Казанда яшәүче ир-ат саксызлык аркасында кеше үтерүдә гаепләнә. Бу турыда «Татарстан 24» каналы хәбәр итте.
2 сентябрьдә Казанда бер йорт участогында эшче ир-ат һәлак була. Тикшерү версиясе буенча, Казанда яшәүче ир-ат – хуҗа, участогында агачны кисү өчен, эшчеләр яллый. Эшне җиңеләйтү өчен, ул машинасын куллана – агач тамырын тарттырып чыгармакчы була.
Агач төбен машинага бәйлиләр, хуҗа машинасына утыра һәм хәрәкәт итә башлый. Агач тамыры кисәк кенә җирдән чыга һәм эшчеләрнең берсенә бәрә. Эшче ир-ат урында ук үлә.
Тикшерү эшләре бара, диелә хәбәрдә.