Казанда 29 марттан бирле якыннары белән элемтәгә чыкмаган 14 яшьлек үсмерне тапканнар. Бу хакта «ЛизаАлерт» эзләү отряды хәбәр итә.
Үсмер бала озак кайтмый торгач, якыннары аны үзләре эзли башлый. Кызганыч, эзләүләр файдасыз була. Шуннан соң туганнары полициягә һәм җирле волонтерларга ярдәм сорап мөрәҗәгать итә.
Бәхеткә, 18 көн узгач, Михаил исән килеш табыла. Бу хәлнең нечкәлекләре әлегә билгесез.
