![Казанда машина юганда бер ир-ат агуланып үлгән](https://intertat.tatar/resize/shd/images/uploads/news/2024/2/12/0ef6cf209029fd929bcae673b4f26507.jpg)
Бүген төнлә Тульская урамында урнашкан машина юу урынында автоцистерна эчендә ятучы ике ир-атны тапканнар.
Автоцистерна белән куркыныч матдә (гексен) ташыган булганнар. Цистерна эчен юарга 2 кеше төшкән, алар башта икесе дә аңын югалткан.
Ир-атларны коткаручылар битлекләр кидертеп алып чыккан, табибларга тапшырган.
Кызганычка, 40 яшьлек ир-ат һәлак булган. Икенче бер хезмәткәр химик матдә белән агуланган, ул хастаханәдә.