Казанның Горький шоссесында коточкыч авария булган. Әлеге видео «Татар-информ» сайтында чыкты.
Кичә биредә фура белән «Лада Калина» бәрелешкән.
Фура йөртүчесе юлда барган килеш аңын югалткан. Аннары ул җиңел машинага бәрелгән.
«Лада Калина» юл кырыендагы коймага барып бәрелгән, фура юл кырыена төшеп киткән.
Авариядә җиңел машина пассажирлары – бала белән хатын-кыз имгәнгән, диелә хәбәрдә.