Казанда коточкыч авариядә машина йөртүче тәрәзәдән атылып чыккан
Җиңел машина баганага бәрелгәч, йөртүче кеше алгы тәрәзәдән чыгып очкан.
Казанда Миллениум күперендә "Лада" һәм "Опель" машиналары кара-каршы бәрелешкән. Бу хакта социаль челтәр кулланучыларга сылтама белән, "Татар-информ" хәбәр итте.
Авария күпергә кергән урында булган. Башлангыч мәгълүматлар буенча, төнлә белән күпергә керешли "Опель" икенче полосага күчәргә җыенган. Шул вакытта ул каршы килүче "Лада" белән бәрелешкән.
Шуннан соң, "Лада" баганага бәрелгән, ә йөртүчесе салон эченнән чыгып очкан.
Авария урыннан видео да чыкты. Кадрларда төтен чыгып торган машина күренә. Күпердә зур бөке хасил булган.