Казанда көчләүдә гаепләнүчене эзлиләр

Быел гыйнвар аенда Казанда Киров районында җенси характердагы гамәлләр кылган кешене эзләү турында Россия Тикшерү комитетының Татарстан буенча идарәсе матбугат хезмәте хәбәр итте.

Бу кешегә чама белән 25–30 яшь, буе 175–180 см, чандыр гәүдәле.

Капюшонлы кара куртка, кара башлык, кара чалбар кигән булган.

Җинаять кылуда шикләнелә торган бу ир-ат турында мәгълүматы булган һәркемне 8 (843) 554-02-03, 8-927-405-90-98 номерына шалтыратырга сорыйлар.