Казанда ике яшь ир-атны берьюлы кадап үтергәннәр, өченчесе хастаханәдә

Казанда ике кешене кадап үтерүдә шикләнеп, 38 яшьлек ир-атны тоткарлаганнар. Бу хакта "Татар-информ"га үз чыганагы хәбәр иткән.

Кичә Казанның Химиклар урамындагы гараж кооперативларында бер ир-ат пычак белән кадап, ике яшь егетне үтергән. Һәлак булучылар 26 һәм 27 яшьтә булган. Пычаклы ир-ат тагын бер егетне яралаган, анысы хәзерге вакытта хастаханәдә.

Мәрхүм егетләрнең берсенең ике айлык улы ятим калган, диелгән әлеге хәбәрдә.